Corsica Nazioni Indipendenti tena à purtà tuttu u so sustegnu à Dumenicu Pasqualaggi, è tutti i soi, famiddi è amichi. Una volta di più hè musciatu chì i cundizioni d'intarrugatoriu, i guardia custoghji, a vita di tutti i ghjorni in cellula, rapprisentani ciò chì si chjama un turmentu biancu.

Ricusemu di fatti ciò ch'idda dici a diritrici centrali di a Pulizza ghjudiziara chì dichjara chì " un hè stata fatta nisuni prissioni ". al di là, ramintemu à ugnunu u starziu di tutti i patriotti corsi incarciarti è dipurtati in i celluli francesi in a so vita di tutti i ghjorni e a rivindicazioni più chè ghjusta di u Cumitatu Contra Ripressioni chì poni ghjustamenti dipoi parecchji anni a quistioni di a rialtà di u circondu pilizzeru, ghjudisiariu è carcerali.

A u mumentu induva tutti i candidati - di manca comu di dritta - di u sicondu ghjiru à i ligislativi francesi in Corsica, dicini di una sola voci chì tutti sò d'accunsentu cù l'avvicinamentu di i prighjuneri pulitichi, ciò chì hè accadutu à Dumenicu Pasqualaggi moscia bè chì fora di a parola mai tinuta - arricurdemuci di i pruposti di Sarkozy nant'à u sughjettu - u cutidianu hè patimentu è turmentu.

Firmemu tutti mubilizzati !

Corsica Nazioni Indipendenti

© Corsica Nazione Indipendente — 2008